Logo

DEKKSØLAN.FO

Ofta Sett Spurningar (OSS)

Hvørji dekk skal eg velja? (Slit-indeks)

Fyri at gera tað lættari hjá tær at velja dekk, hava vit sett eitt Slit-indeks á allar vørur í okkara shop. Hetta er ein hjálp til at meta um, hvussu dygdin og lívstíðin á dekkinum er í mun til prísin.

Hvat vísir indeksi?
  • ⭐⭐⭐⭐⭐ (Premium): Hesi dekk eru framleidd til at halda leingi (á leið 50.000 km) og veita hægstu trygd og koyrigóðsku. Hesi dekk eru ofta ein betri íløga yvir tíð, tí tú fært fleiri kilometrar fyri hvørja krónu.
  • ⭐⭐⭐⭐ (Quality): Eitt gott millumval (á leið 40.000 km). Her fært tú eitt sterkt forhold millum prís og dygd.
  • ⭐⭐⭐ (Budget): Eitt væl egnað val til minni koyring ella bilar, sum ikki verða nýttir so ofta (á leið 30.000 km).
Hvussu roknar eg út, hvat loysir seg?

Vit hava sett eina Kostnaður pr. km vísing á hvørja vøru. Hendan vísing ger tað lætt at samanbera, har vit taka atlit til bæði vøruprís og neyðugt dekkskift:

(Dekkprísur + Áseting) / Mett kilometratal = Kostnaður pr. km.

Dekk eiga sum høvuðsregla ikki at vera eldri enn 5-6 ár, tí gummið verður hart og missir veggreipið (serliga á vátum vegi).

Viðmerking: Kilometratalið er eitt mett miðaltal. Lívstíðin á dekkinum avhongur altíð av koyristíli, lufttrýsti og hvar tú koyrir.

Her finnur tú tøkniligar frágreiðingar um dekk, merkingar og hvat tú skalt hyggja eftir, tá tú velur dekk.

⚖️ Lógarfestar reglur um dekk í Føroyum

Sambært Føroya Politi og kunngerð nr. 59 frá 5. mai 2021 eru hesi krøv galdandi:

  • Píkadekk: Mega nýtast í tíðarskeiðnum frá 16. oktober til og við 14. mai.
  • Sama dekk-typa: Á persónbilum (undir 3500 kg) skulu øll 4 dekkini vera av somu typu (t.d. 4 summardekk, 4 píkadekk ella 4 heilársdekk).
  • Vetrarhálka: Frá 1. desembri til 1. apríl eru summardekk forboðin, um hálka er (uttan so at ketur verða brúktar).
  • Mynsturdýpd:
    • Í hálku (vetrarskeið): Minst 3,0 mm.
    • Vanligu krøv (summar): Minst 1,6 mm.
Hvør selur bílig vetrardekk í Føroyum?

Dekksølan í Vági bjóðar eitt breitt úrval av bíligum vetrardekkum til allar bilar í Føroyum. Vit hava altíð góð tilboð uppá góðskudekk, sum hóska til føroyska veturin.

Hvat fyri dekk hóska til føroyskt veður?

Í Føroyum er umráðandi við dekkum, sum hava gott greip á vátum vegi. Vit ráðgeva tær at velja dekk við góðum 'Wet Grip' rating (A ella B) fyri bestu trygdina.

Nær skal man skifta til vetrardekk í Føroyum?

Vanliga verður mælt til at skifta til vetrardekk, tá hitin fer niður um 7 stig (helst millum oktober og mai). Hjá Dekksøluni í Suðuroy hjálpa vit tær fegin við dækkskiftinum.

Hvar kann eg keypa dekk í Suðuroy?

Tú kanst keypa dekk hjá Dekksøluni á Bryggjuni 9 í Vági. Vit hava daggamlar prísir og skjóta levering í allari Suðuroynni og restini av Føroyum.

Hvat síggi eg á dekkstøddini?

Ein dekkstødd sum eitt nú 235/35 R19 skal lesast soleiðis:
  • 235: Breiddin á dekkinum í millimetrum (mm).
  • 35: Profilurin ella hæddin á dekkinum í prosentum av breiddini. Her er hæddin 35% av 235 mm.
  • R: Stendur fyri Radial (mátin dekkið er uppbygt uppá).
  • 19: Tvørmát á felgunini víst í tummum (inches).

Summar, Vetur ella Heilársdekk?

Summardekk: Gjørd til hitastig yvir 7 gradir. Gummið er harðari og heldur væl á turrum og vátum vegi um summarið.

Vetrardekk: Ment til kulda og hálku. Tey hava lamellur (smáar skurðir), ið bita seg fast í kava og ís. Gummið holdur seg bleytt í kulda.

Heilársdekk: Ein miðalveugur. Tey rigga ágætt alt árið, men eru ongantíð líka góð sum sergjørd dekk (summar/vetur), tá tað veruliga ræður um trygd og stytsta bremsibreyt.

Hvat er munurin á góðsku (Quality)?

Vit býta dekkini upp í bólkar fyri at gera tað lættari:
  • Premium: Heimsins bestu merki (t.d. Continental, Michelin). Hægst trygd, minst larmur og longst livitíð.
  • Quality: Góð miðal-merki sum t.d. FALKEN, Hankook og Kumho. Her fært tú ótrúliga nógv fyri pengarnar.
  • Budget: Bíligastu dekkini. Rigga væl til fólk, ið koyra minni ella ynskja tað bíligasta her og nú.

Lastføri (Load Index) og Mesta Ferð?

Lastføri (Load Index): Eitt tal (t.d. 91), ið vísir hvussu nógv kilo hvørt dekk kann bera. 91 merkir t.d. 615 kg.

Mesta Ferð (Speed Index): Ein bókstavur (t.d. V), ið vísir hámarksferðina hjá dekkinum. V merkir upp til 240 km/t.

EU-merki: Orka, Regn og Óljóð (dB)?

Orkustig (Fuel): Skali frá A til E. A er best og sparir mest brennievni.

Regnstig (Wet Grip): Vísir bremsibreytina á vátum vegi. A er stytst og harvið tryggast.

Óljóð (Noise/dB): Hvussu nóv dekkið larmar uttanfyri. Lægri desibel (dB) gevur eina herligari og stillari koyring.

Hvat merkir XL og ELBIL (EVC)?

XL (Extra Load): Dekkið er styrkt til at bera meiri vekt (hægri lofttrýst) enn eitt vanligt dekk í somu stødd.

ELBIL (EVC): Hesi dekk eru ment serliga til el-bilar. Tey eru styrkt til tungu vektina hjá battarínum, hava minni rullimótstøðu fyri at leingja um koyrimarkið (range) og larma minni.

Nær eigi eg at skifta dekk (DOT & Slit)?

DOT-merking: Vísir nær dekkið er framleitt. T.d. 1224 merkir viku 12 í 2024. Eitt dekk er ein fersk-vøra; dekkið eigur sum høvuðsregla ikki at vera eldri enn 5-6 ár, tí gummið verður hart við árunum og missir veggreipið.

Lofttrýst: Tú eigur at kanna luftina regluliga. Skeivt trýst ger at dekkið slitnar skjótari og brúkar meira brennievni.